Khamtung mi, Kumpi naseam masa phit le Gazette Officer masa phit bel
Subedar Mang Pum
(1880-1951)
Mangkang
Kumpi te Kawlngam bup hong laak zawk ciang, Thaang.(FORT WHITE) ah Myo
hong sat hi.Kawlngam tangthu sung ah, a masa bel Mangkang Kumpi do tu in
PU KHUP PAU,te pata, PU KHAI KAM, PU MANG PUM te lampui aa,Myo Oke Htun
Win sia kithat lumhi.
Pu
Mang Pum sia Khuasak khua Pu Khup Pau ih tapa nobel hi. Sizang te ih
Myo-oke suam na sung ah lampui pi Pu Khai Kam taw Unau hi.Kum thum sung
tawntung dui sung ah bu hi.Kumpi te in, KHUP PAU te pata thum ,Kumpi
sung ah hong ki ap baw le mealheak teng mansiat tu a ci ciang ki aap aa,
Apa tathum in 1894 kum in Mangkang Kumpi in a mat zawk ciangPu KHUP PAU
le PU MANG PUM , Kendat thong ahpuak aa, Pu Khai Kam sia, Khan tawntung
thong taak tu in Adaman tuikul ah puak hi. Thathum zawk ciang ama te
pata sia, Min Chan (Myinyan) thong sung ah khin kik leleau aa, tuak pan
Yangon thong pi ah puak hi. Ama sia, Kawllai thupi na, he a hi ciang,
Kendat thong pan ki pan , Kawlkam le, Kawl lai at dan sin pai aa, Yangon
thong pi sung pan zong, nasia tak , Kawllai han ciam
thua lai hi.
Thong
cing te in, thong taak te sia a an neak tu taanghum veu thei sak hi.
Tabang ciang, apa Pu Khup Pau in,”nang nalai ma hong sin zaw tan, koma
seam tu khu zam “ci, in, lai bebek ma thong sung ah sinsak hi.Ama
hanciam bang ma in, Kawlpau le Kawl lai sia hong thiam mama hi. Kawl
kam bek hi ngawl in, Kawl lai kam thuk ( pali ) ngangawn tam mama, nana
he lai hi.
Pu
Mang Pum sia, Yangon thong pi pan November 1897, kum ciang hong cia kik
, aa Kamphen kul ngawl in ama nguak ma hong cia thei hi. Kendat zum ah
ki hiil (report) a tuak pan hong cia to aa, Tedim Vuandok zum ah kihiil
leau hi. November 1897 bo ma in, a inn , Khuasak hong theng kik hi.
Sizang
ngeina in, Ngal Aaih aa, kithian sua tu hi na pi, Apa Pu Khup Pau leh a
Upa Pu Khai Kam om ngawl aa, thong sung om lai a hi ciang, Khui khat
ngo in, a thi ki noai bek hi.Khuasak khua a thet po ciang tangval te a
inn ah ngiak hon aa, Kawl Kam le Kawl lai veu nitaaksim in hil hi.Pasal
te in, um ngawl a hi ciang, tangval khat sia, a kong ngal a om sak aa,
suang lai taw, Tui haikhat hong la tan ci a vai tha hi. Tangval pa zongh
tui hai khat hong then aa, tasia ciang lai ih thupi dan sia pasal te
in, mu a thupi sa mama hi.
Tedim khua ah , Vuandok seam, Mr. Fowler ( Phawla Mangpa ) in Kampheen seam tu-in sam hi. 1st December 1897 ciang Tedim Vuandok zum ah, 2nd
Interpreter ( Duh-tih-yah Saka Pyan) nasep hong kipan pai hi. Pu Mang
Pum sia, Khamtung Zomi bup sung pan Kumpi naseam a masa phit bel hi.
Tualai tak, Kamphen seam , Kyaw Htwe, Aung Din le Pau Thang te sia
thunei (client) te tung pan, sumnguk ne thei aa, alai nop laitak a hi
ciang Pu Mang Pum sia tum pai thei hi.Thasum 20Rupee leh An man 5Rupees a
kingawm , 25 Rupees tha sum sang hi.Pu Mang Pum sia, nasep hanciam mama
aa, Vuandok pa taw kithawl tawntung a thuman mama a hiciang 29-12-1903
ni ciang in, Kamphen pi ( Senior Interpreter) za nga hi.Pu Mang Pum ih
ngam tat na phat na hang in apa Pu Khup
Pau sia a thong tak na pan December 1898 kum in, hong suakta hi.
1907
kum ciang Thaang ( For-white ) ah Ngalkap na seam , Gurkha te khat in,
azi ngawng Naam kuun taw aat tan in duisung ah taai in bucip hi. A zonh
hang ki mu ngawl a hi ciang, a man thei po, Rs. 100-00 hong ki pia tuhi
ci in thang sak hi. Thangmual nuai, Khuumlui Kampau Ningh ah, Gurkha pa
suang hawng sung ah bu hi. Suun in, Lotho te Be veu hiat( law sak ) aa,
ni taak ciang, suanghawng sung veu ah tua be ngaap te-em hi.Mei hui ah,
Be haw tam mama ki mu hi. Tua thu sia Khuasak Hausa pa Pu Lian Vum in
apano, Pu Mang Pum tung , Tedim ah son hi.Pu Mang Pum zong hong cia suk
aa, Pasal thau toai 6 in kiim uumh sak aa, amat zawk ciang Fort-White
ngalkap zum ah puak to hi.
Tedim
ah Fowler mangpi pa in,” a kua vai hawm nu ziam”a ciciang, "Pu Mang Pum
le Pu Lian Vum vai hawm hi" ci in zokik hi. Fowler in,” Mang Pum le
Lian Vum awng Kumpi te nahu na uh lian mama hi. Ka lungdam mama hi “ ci
hi.Tua pan ki pan Kumpi te in, Khamtung a Palik naseam tu sia, Zomi te
ma hi le pha tu hi ci in mu a hi ciang, Haka, Falam le Tedim ah Palik
zum phot na tu in vaihawm hi.1907 kum ciang Kumpi te in Sizang mite
Palik tum tu in khawm masa hi.
Pu Mang Pum sia 29- December 1903 pan Kamphen akhatna ( 1st
Interpreter) nasep hong nga aa, a thasum sia Rupee 30 -8-0 ( Sawmthum
le hamu) sang hi.Tua hun lai pasal hat mama te, Ni-liat a sep ciang,
Pheak khat sang pheang hi.
Mangkang
Kumpi te in Sizang mite hong muang a hi ciang, Palik hong tum sak hi.
Pu Mang Pum zong Kam pheen pan in Palik ah hong kikheal sak kik hi.Ama
sa bel in, 1 September 1907 ni pan, a nuai ah Sizang mi 9 teng Tedim ah
Palik tum hi.Hi a nuai a teng asia Kumpi te in Lampui tu in koi aa, min
le za pia hi.
No
|
MIN
|
KHUA
|
RANK
|
THASUM
|
REMARKS
|
01
|
MANG PUM
|
KHUASAK
|
STATION OFFICER
|
70-00
|
|
02
|
PAU CIN
|
KHUASAK
|
SATEN ( Sergent)-2
|
24-00
|
|
03
|
NGIN VUM
|
KHUASAK
|
PALIK NO
|
14-00
|
|
04
|
TUN ZAM
|
KHUASAK
|
PALIK NO
|
14-00
|
|
05
|
THUAM PAU
|
KHUASAK
|
PALIK NO
|
14-00
|
|
06
|
AWN NGIN
|
BUANMAN
|
PALIK NO
|
14-00
|
|
07
|
AWN KHAI
|
KHUASAK
|
PALIK NO
|
14-00
|
|
08
|
LAM THAWNG
|
THUKLAI
|
PALIK NO
|
14-00
|
Falam
khua ah Chin Hills Battalion hongki phot ciang Kumpi te in Pu Mang Pum
sia lampui tu in hong koi leleau hi. A hi hang Tedim pan thasum 70-00
Rupees sang kim lai Falam a thet ciang 65-00 Rupee taw a thasum kipan
sak kik a hi ciang, a thin zong kiam man hi. A hihang maisang a tu a
,mukhol na, taw hong seam suak hi.Kumpi te zong in hong muang mama hi.
Falam
a thet po ciang a ma omna tu inn khuumh sia, Thikkang, Man taw ki vawt
Padenpauk le eak buk , an buk te Mang Bo te a bang ma in ki vawt sak pai
hi.
3rd
February 1910 ni ciang, Asuapuipa, Adaman tuikul a om, Pu Khai Kam ,
khan tawntung thongtaak tu a om, sia a pusua thei na tu in seaulua khat
aat, aa, Vuandok zum ah khia hi. Vuandok zumpan Falam Mangpi pa (
District Commissioner ) pa zum ah pai aa, Tuak pan Commissioner ( Menzi
pa ) pa zum a pai kik hi. Kumpi te zong in, Pu Mang Pum ih zia le tong
sia tel mama a hi ciang, Pu Khai Kam hong sua taak kik hi.Mangkang kumpi
a do, Myo-oke suam na tu a lampui Pu Khai Kam sia , Khan tawntung thong
taak tu, Adaman tuikul a kipuak na pan,kum 16 thong taak zawk ciang
Khamtung ah hongcia kik hi.
Pu
Mang Pum, Leitung Ngalpi khat lai, Piancit ngam ah naseam tu in a pai
Tiddim ngam pan mihing 1008 te a uk tu in kipai sak hi. Subedar in
promotion kipia aa zakhang sak hi.Piancit a thet ciang, Mangkang Kumpi
te hong khant lai, Falam khua ah Mangpi hong seam Fowler ( Phokla
Mangpa) taw na hong seamkhawm kik hi. Tuak pan London khua ah , Kumpipa
taw kimu tu,Buckingham Palace ) a pai tu kiteal Zomi teng lampui in
pai leleau hi.Tedim pan 11 September 1917 in ding aa 27th July 1918 ni ciang hong theng kik hi.
Ama
nasep hanciam na leh a thuman na, a pil n ate hangin, Namsau
khat,Jangi-i- nam( thakhat Rs. 10) Khang nih dong san tu le minphat na
tatuam nga hi. Ama sia, ngamsa tam mama kap hi. Cinghpi sim ngawl a ka
ngawl om ngawl hi.
Pu Mang Pumle Sang Inn
Tedim
ah Kamphen a sep laitak in, lai manphat na a u le nau te zong in hesiat
le oai a hi ciang, Vuandok pa taw vaihawm hi. Vuandok pa in Asho Chin
te Thayet Myo pan, Saya U Htun Aung a cisia , laihil tuin Khuasak khua
ah hong pai sak hi. A hihang a ma sia, zu khawng khamthei hi ci in,
Sizang pasal te khat in Vuandok pa mun ah son a hi ciang,a khua ah kicia
sak kik hi.
Pu
Mang Pum in a tapa te nih, Pau Khaw Lian leh Kam Khaw Mang sia, Mawlaik
khua ah Manglai sin tu in koi hi. Pau Khaw Lian sia citum nat na taw
hong thi aa, Kam Khaw Mang sia, Chindwin ngun sung ah tui ta in hong thi
leleau hi.
Pension a cia na
Ama
sia Kumpi na seam zo mama lai tu hi na pi, a kheal veisang a sung sang
pan meima lian khat hong piang hi.Zato Mangpa in a meima aat-tham sak
aa, a naai teng sil keaK sak aa, phintaw khui cip kik hi. Amei ma dam a
hi hang phatak lam pai thei nawn ngawl a hi ciang, Kum 1922 kum ciang in
Pension in cia hi. Kumpi nasep, Kum 25 leh ni 9 seam hi. Pension sia,
Kawlngam suatak nga dong thasim 50 Rupees saang aa, Suatak nga zawk
ciang 72-00Rps. Sang hi.
Ama sia, Ngeina uuk mama aa, tangthu kin mama aa a pil mama pasal khat hi. 9th September 1951 ni in leitung nu sia aa, Sizang Ngei na taw ki hui hi.
Pu Mang Pum la, Athipna
(a) Nuai simlei a lobang a ka hin lai aa, zing ka zit na
Kolsa kei phei phung hi ee,
(b) Ka pham ta le ,tung leang van ka kai ta le,
Ka phei phung tu sang lun kop kung huai veang nge,
NB. State High School-Falam Golden Jubilee tepte na Magazine sung ah Zomi sung pan Gazetted Officer masabel ci in ciamte hi.
(Belap nop a nei, te hong belap ta vun,)
Hang Za Pome
hzpome@yahoo.com
Dear Sya Pome le It teng,
Lungdam tatak ee. Keima zong na hi teng ka heak sia meet ki sa mama lai ka hi te, khangsawn te na teptebek hi n gawl in, Model/ example in lak taak sa lalawm tu hong um ingh. 2010 kum, London ah ih tapa Thang Kim(David Thang Kim) sia Middle Sex University pan Comtemporary Music taw Graduate tu a hi man, Nu le Pa om non ngawl ahi ciang keima a mate luangin ka na uap hi. Buckingham Palace zong tourists te in a pua sang pan Video/ Camera namcin taw, ngak limlum tontung ka mu ciang "Bang hang tourists te in hi Mangkang kumpi inn pi sia(Royal Palace)hi za ta ngak liang uh a hi tu ziam" ci ka tate ka naute ka da dong hi.
Buckingham Palace a cing ngalkap te Security Guard te sia Duty a lak hun sung theampo ngawk peuma ngawl/tungh peuma ngawl / a nai a nai in Milim pui ding bang phet a din uh sia,Leitung tatuam te in thupi sa lei uh hi. Duty change ciang bek ma tungh/ngawk ngei bek hi ta na, ta teng a mu nuam teng mun tatuam pan Tourists te Agency tatuam pan Reporters te hong ki khawmtua aa, Video/Camera a zai siasua uh hi hong ci uh hi.
Ta sia ciang bang phawk khi ziam ci le, Labour Corps te France pan England kumpipa ih Birthday siim tu in hong pai lai Piancit ngalkap te ih son a ci thu khat ka phawk kik hi. ""Kumpipa inn cing te Milim pui sa in a mit tham sak ka sap, a mit phe in hong nuisan hi ""ci khat ka zak ngei sia "Maan takpi tu hi thong ta aa" ka ci kikik hi.
Sya Pome ih hong suasak bangma, tua Labour corps lampuipipa sia ih Pu Subedar Mang Pum a hi hunlam zong phawk tontung ka hi hang, tua ni in, phawk bek ngawlin , ka lungzuang in , angtangin kawm in, ka ne a no nuam si hi. Tua dom ngawlin, England Prime Minister ih Office sia 19 Downing Street ci-in ka tepte sia zong, ka kantan ciang, Kawlngam Independence nga na tu , a zeksa nasep lian bel khat a hi , ""Nu Atlee Agreement ""Prime Minister U Nu lampui in,a min thu pi pa khat a hi , ih Pu Dr. Sithu Vum Ko Hau zong phawkin, amate om non ngawl a hi hang, Tangthu ngongam le Tangthu namtui hong nusiat na te hangin, amate a zangh ih biak Topa min pok kawm in, a bo ngei non ngawl tu Tangthu hong at sak Ih Pu te 2 thasia zataak na lian pi , hi lai taw ka pia nuam hamtang hi.
Dimno
Dear Sya Pome le It teng,
Lungdam tatak ee. Keima zong na hi teng ka heak sia meet ki sa mama lai ka hi te, khangsawn te na teptebek hi n gawl in, Model/ example in lak taak sa lalawm tu hong um ingh. 2010 kum, London ah ih tapa Thang Kim(David Thang Kim) sia Middle Sex University pan Comtemporary Music taw Graduate tu a hi man, Nu le Pa om non ngawl ahi ciang keima a mate luangin ka na uap hi. Buckingham Palace zong tourists te in a pua sang pan Video/ Camera namcin taw, ngak limlum tontung ka mu ciang "Bang hang tourists te in hi Mangkang kumpi inn pi sia(Royal Palace)hi za ta ngak liang uh a hi tu ziam" ci ka tate ka naute ka da dong hi.
Buckingham Palace a cing ngalkap te Security Guard te sia Duty a lak hun sung theampo ngawk peuma ngawl/tungh peuma ngawl / a nai a nai in Milim pui ding bang phet a din uh sia,Leitung tatuam te in thupi sa lei uh hi. Duty change ciang bek ma tungh/ngawk ngei bek hi ta na, ta teng a mu nuam teng mun tatuam pan Tourists te Agency tatuam pan Reporters te hong ki khawmtua aa, Video/Camera a zai siasua uh hi hong ci uh hi.
Ta sia ciang bang phawk khi ziam ci le, Labour Corps te France pan England kumpipa ih Birthday siim tu in hong pai lai Piancit ngalkap te ih son a ci thu khat ka phawk kik hi. ""Kumpipa inn cing te Milim pui sa in a mit tham sak ka sap, a mit phe in hong nuisan hi ""ci khat ka zak ngei sia "Maan takpi tu hi thong ta aa" ka ci kikik hi.
Sya Pome ih hong suasak bangma, tua Labour corps lampuipipa sia ih Pu Subedar Mang Pum a hi hunlam zong phawk tontung ka hi hang, tua ni in, phawk bek ngawlin , ka lungzuang in , angtangin kawm in, ka ne a no nuam si hi. Tua dom ngawlin, England Prime Minister ih Office sia 19 Downing Street ci-in ka tepte sia zong, ka kantan ciang, Kawlngam Independence nga na tu , a zeksa nasep lian bel khat a hi , ""Nu Atlee Agreement ""Prime Minister U Nu lampui in,a min thu pi pa khat a hi , ih Pu Dr. Sithu Vum Ko Hau zong phawkin, amate om non ngawl a hi hang, Tangthu ngongam le Tangthu namtui hong nusiat na te hangin, amate a zangh ih biak Topa min pok kawm in, a bo ngei non ngawl tu Tangthu hong at sak Ih Pu te 2 thasia zataak na lian pi , hi lai taw ka pia nuam hamtang hi.
Dimno
0 comments:
Post a Comment