Zak Sak Nop/Son Nop Om Le,Kizop Na Tu.

Contact Form

Name *

Email *

Subject *

Message *

<br />

File Upload

Powered byEMF Web Forms Builder

Report Abuse

Read More

Sizang Minam Tangthu A Tom

Sizang te minam sia Tibet a hi ba le Sian te hi tu in ki ngai sun hi. A pian til na sia Kawlpi pan piang hi, ti in ki tiam the  phot hi.

Ei pu ei pa te sia Kawlpi pan in Khamtung ngam aa tai to te hi tu hi, ci in ki um hi.

A kawi sung ah teang tu hi ziam,kawi sung ah ngam sat tu hi ziam ti-in vaihawm aa, ngam et na tu in, Thuamvum mual tung ah, kah to in, ngam vil uh hi. Thuamvum mual tung sia mual sang lei lawlawm aa, tua a hi man in  pawl khat Thuklai khua thung zaangpi tam a ci na ah tai  hi.

Tua Zawk tiang Thuklai khua thung zaangpi tam pan in tai kik aa, Saizaang khua a lawm te kung  a zuan hi, Saizaang khua pan Timnuai khua, a sat kik hi.

Tua Timnuai khua pan in Zo mihing nam 3 a piang hi.Tua Zo mihing nam 3 a ki sua na inna, Timnuai khua, khua tatak a tenna tu sia, hi thei ngawl a hi man, Sizang mihing teng Saizaang khua Sizang  ah a tai aa, ta sung ah a teng hi.

Timnuai khua pan aa Sizang khua ah teang tu hi ci in Thuantak/Suantak te pa ta Ngengu tawh in lampui uh hi.

Ngengu pa Thuantak/Suantak sia Saizaang khua ki ti, Saizang khua tawh ki nai, Saizang te bu zung thang hi aa, ta sung ah a thi hi. 


Thuantak/Suantak in ta 6 nei hi.

1.Ngengu 2.Neilut 3. Hinnung 4.Nunzong 5.Daitawng 6.Vanglok hi.

Thuantak/Suantak khua pan in Sizang khua 5 in kikhen hi.
 Sizang khua 5 teng sia, Sizang  mihing suak hi.

A suan teng pan in na …..

1.      
          Ngengu suan … Khuasak le Lophei.

2.       Vanglok suan … Thuklai, Buanman,Limkhai,

3.       Daitawng suan … Namzote.

4.       Hinnung suan … Limkhai kim khat.

5.       Nung zong suan … Taukon te.

***Zo Khang Simna Lai Bu Part One Lai mai 1,2,3,4,  Pan hi

Tua hi aa Sizang khua 5 ih ti sia Khuasak,Lophei,Thuklai,Buanman,Limkhai  a hi hi.


MIDANG KUA MA KI OM NGOL CI SIA IH PIANNA EN KIK LEANG KIHE/KIMU THEI HI.

Tuin Pathian thu-um vive ih hi man in, ih pian na  u nau khat ih hi bang in Topa sung ah zong u nau khat ih hi na a thak in ih phawk tu ka dei na uh tawh, hi site kong vawt uh hi. Topa in  SizangNgam le,Sizang minam te thupha hong pia ta hen, Amen.

Sizang tangthu a cing zaw in a sim nuam te Zo Khang Laibu ah ki sim thei hi.

Read More