CHIN CHRISTIAN CENTENARY PRAYER MOUNTAIN

                                        CHIN BAPTIST CONVENTION
                                 Bogyoke Street, Cimual Ward, Falam 03031
                                               Chin State, Myanmar 
                              Email:zbcfalam@gmail.com; dennisntm@gmail.com

                      CHIN CHRISTIAN CENTENARY PRAYER MOUNTAIN 
                                                Central Committee

01. SRBA-GS                     Rev.James Nang Khai                     Chairman                    

02. CBC-GS                       Rev.DennisNgunThawngMang       Vice Chairman

03. SRBA, E&M                Rev.Langh Go Laang                      Secretary

04. CBC, E&M                   Rev. Dr. Za Biak Liing                    Asst. Secretary

05. SRBA Treasurer           Rev. Hang Do Pau                           Treasurer

06. CBC Treasurer              Rev. ZaHreLian                               Asst. Treasurer

07. LBA-GS                       Rev. Run Hal  Ling                         Member

08. NKVBA-GS                 Rev. NengThian Pau                        Member

09. CBA-GS                       Rev. CungHup                                 Member

10. UpaSuanghZa Dal        Member

11. UpaMangMun Pau       Member

29 May 2013 niSiyin Region Baptist Association, Branch Office II Tahan ah, nitaknai 5 hun in Meeting neithei uh hi.

Tuhunvanh man taw kizui in Bo Lian Khan DalAGTI (Civil)Kalaymyo in  24 October 2012nihongvawtsakkiksiatungtawn in Central Committee ah kipuakto a, Ks.25,000,000/- Fund zontuthukimnakinei hi.

Central Committee pan thukimnateng Chin Baptist Convention- OC, EC ah a dadawl in puaktotuthukimnakinei hi.

CBC-EC pan thukimnaomzawkpociangnasepkipanpaitheitu ci thu hi lai taw kongzasak uh hi.

Thungetna taw mapangkhawmkhol in, ngaisutnaphangawmtuakholtektawng. A hunzui in misimlai taw hongzasakkiktukhu hi.

Rev.James Nang Khai

Chairman Prayer Mountain

Read More

Siyin News

thupuak :- Sya Nang Khai

Siyin news May 2013

Read More

Tanga Sangpatang Khat A Tu Huu Nget Na

Dear all,

Nong damtek uh ziam ci-in hi mail taw hong paupui masa ing. Ko zong
SRBA Zum pan naseamteng nong thunget sakna uh taw cidam in Topa na
sepna maban nazomtek thei ung. A thak in note theampo tung ah ih Pa
Pathian in nopna, cidamna le van thupha lei thupha hong piatek tahen.

A tung a thu taw kisai in, ih Pawlpi mi ahi, Mualpi khua a teang, Pa
Suangh Khua Zam le Nu Cing Sial Neam te ii tanu, Lia Dim Thian Huai
(Huai Huai) sia tukum in tan '7' Topa thupha taw hong aung hi. Hi kale
tan '8' sang Theizaang khua ah om ngawl lai ahiman a sangkaa natu
maban zom zo ngawl in a om tu ahi hi. A pa in kamsiatna taw Motor
Cycle Accident in kum 2008 in hong thi sanzo a, a nu zong le khangmoi,
cidam lai khat ahina taw kizui in Pasal hong nei san pai hi. Unau '2'
pha uh a, a upa zong sangkaa zongawl, a baan talh lai si ahikom a en
zo tu mealheak sungah om ngawl in, a pi ii kep ahi hi. Border ah om tu
hi le kum '1' Ks. 200,000 /- taw a ki om thei na mun khat om ahiman,
tua kum '1' atu huu zo leang, zaktawm neneng teng sia, apite in
vaihawmsak zo sam tu ahikom, akuamatekpo in thungetna le sum le paai
tawmtek taw ih panpui ngawl phamaw tu hong suak ahiman, hi mail taw
note theampo tungah zasakna le huungetna hong thua pai hi ing.

Lungdamna lianpi taw,
--
Rev. Langh Go Laang (Laangpu)
Secretary / Director
Evangelism & Missions Department
Siyin Region Baptist Association (SRBA)
Republic of Myanmar.

Phone:
Home:+95-9400511869
Office:+95-947141728
          +95-947175014

Read More

Zongam(Chin State) Ah Arakhine Te Hong Tum

Zongam(Chin State) Ah Arakhine Te Hong Tum

Read More

Zongam Ah Zolai Sin Sak Kik Tu

Read More

Pa Suan Za Pum Topa Kung Hong Cia San

Tuni Thuklai pan, Puno Suan Za Pum in hong nusia ci za aa, kakhuangai tek uh hi.Thuklai , Thiikkhau zum ah Radio Operator kum tampi ma hong seam hi.

Malaysia ah a tanu Dim Khan Ciang kung ah ki topui tu hi.

Read More

Lia Pum Lamh Cing leitung hong nusia

Tu nitak 9:10 PM pawl khawngin Taingen U Suang Za Dal tanu Lamh (a)
Pum Lamh Cing in Tahan Wesly zato pan leitung nusia a, Taingen ah
kipua to hi.

Ama suapui laizomh teng sia

(1) (Nu  Kam Khan Cing + Pa Pum Dal
(2) Nu Niang Dim Pau +Pa Thian Khan Dal
(3) Sayama Nuam Khan Neam, SRBA-Dept of Women
(4) Mang Lamh Cing
(5) Lian Thian Cing
(6) Pum Lamh Cing
(7) Mang Mun Khai
 

Read More

Leipui Baptist Church Pan Thu Zak Sak Na

Dear All Siyin,

လူမွဳေရးယာဥ္ a ki sap na thu a tom in
Kawl zaang sung, kawl pi, leipui leh Tahan teng ah sizaang mi 2000 kim
bang ki om hi. Hong uk kumpi te vaihawm na tawh mithi phumna than sia
ဒိုး၀ိုင္းေခ်ာင္း ah kikhin in kawlpi pan tai 3 ki khuala hi. Ih thi
ni mawtaw ngawl tawh peuma suakthei pauma nawn ngawl hi. Kawlzaang
zato te hoi zaw a hi man khamtung pan cina luna te hong kibawl suk aa,
a dam a cia kik tam pi ma aom hang athi sa a cia kik zong ki om thong
hial hi. Ih thi ni theipua mawtaw a nei sia LBC leh RC om bek om ahi
man, thi pua mawtaw nga zawk ngawl ciang a hi thei babang than ki then
nuam a hi man “ဗုဒၶအလိုေတာ္အရ” lai a ki at mawtaw tawh than ka kuan
hun uh tam mama hi. Tua a hi kom, sizaang mi te in pawlpi a ki bang
ngawl hang kham ah zaang ah a ki sam bang zak thei tu လူမွဳေရးယာဥ္ ki
sam tek khu hi.
Leipui Siyin Baptist Church pan ka ki pat thei na thu
Leipui Sizang ki uap na Chirman Pu Sing Nang leh Secretary Pu Thuk
Lian te in sizaang te a tu လူမွဳေရးယာဥ္ nei ngawl phamaw hun lam hong
phawk aa, LSKU min tawh vaihawm tu ki lungkim phot a hi hang mawtaw
nei ih ci ciang, a nung zui tu tam ma ki sam ahi man LSBC te hong aap
zaw in LSBC pan zong delegate meeting ah ki son to in mipi lungkim na
tawh kong kipan uh hi.
Sum Leh Paai vai
LSBC pawlpi inn sim leh zaangdung sung sizing mi ka mai naap uh teng
tung ah donation khon in ka vaak the leh kamciam in 3,000,000 ks ka
nga uh hi. လူမွဳေရးယာဥ္ nei tu akisap na thu Australia a om Pa Pum leh
US om Pa Khawm Pau te tung zong ka son uh aa, hong lungkim pui mama
hi. Ama te bek hi ngawl in, tu aa kong zak sak ngamdang om sizaang mi
teng in zong hong lungkim pui tek tu in kong ngaisun uh hi.
Ngim na leh Tupna
1. LSBC min puu in leisawm ka hi uh hang “စီးယင္းလူမွဳေရးယာဥ္” tu hi
aa, နာေရး ah sizaang mi, huu hong ngen peu ma hu tu.
2. Mawtaw tung zong ah “စီးယင္းလူမွဳေရးယာဥ္-Leipui” ci in at tu.
Thu khupna
Khua sung vak na, a ki zangh tu hi ngawl aa, “စီးယင္းလူမွဳေရးယာဥ္”
tatak bek ki zangh tu a hi man LSBC neisa hingawl zaw in Sizaang mi
khat sim ih neisa hi zaw tu hi. Tua a hi man, thu e laa taw ahi zong,
thunget na taw hi zong, sum le paai tawh a hi zong hong huu nuam tek
tu in kong lamen uh hi.
Nong contact nuam uh leh a nuai aa, khat papo tawh hong contact ta vun
1. Rev. Kam Khen Pau
Church Pastor
၅/ကလထ(ႏိုင္) 018923
2. Upa Nang Pum
Church Secretary
3. Upa Tuang Za Khai
Church Secretary
၅/ကလထ (ႏိုင္) 021195
4. Nu Cingh Hen Vai
Treasurer (Car)
၅/ကလထ (ႏိုင္) 029874

A kicing zaw in na heak nop or dot nop om leh LSBC phone a hi +95
9444023416 ah zong phone tawh a hi zong hi email ah a hi zong ki dong
thei hi.

Committee tang in;

Hang
Kalay

Read More

Va bang Pil ding hanlungciam

By: Ngin Khua Pau, Thuklai

Russia te in Paunak khat nei a, “Sin tawm pilna in leitung nuntakna tu hong musak thei a, ciimna in, nuntakna keamcingin huu hi” ci hi. Paunak 16:16 sungah “Kham sangin Ciimna pha zaw hi. Ngun sangin tel theina pha zaw hi” ci hi. Ps. 111:10 topa zatakna in ciimna ii lampi hi ci leleau a, James 1:5 na ah ciimna na dei le Topa kungah ngen in ci hi. Solomon kumpipa in Topa tungah ciimna ngen hi. 1Kum 3:9 ah Pathian in Solomon sia a lamdang ciimna le mukhol theina a kison zo ngawl heakna pia hi ci hi. Nitumna sangte in pilna, nam 5 in khen hi. Tuate in Wisdom, Knowledge, Education, Intellectual, Brilliant ci te ahi hi. Ei Zo mite ih hi le Ciimna le Pilna ci in nam nii bek ih nei hi. Mikaangte khenna sungah:

1. Wisdom: Hi kammal sia ei pau in pianpui ih thaa ciimna kaci nuam hi. Lai sin sanginn ah a kisin thei hi ngawl a, Pathian hong piak tuam vilvel ciimna hi. Mi theampo in nei ngawl hi.
2. Knowledge: a kici pilna sia lai sin sanginn pan a kinga hi ngawl a, zon tawm pheet tawm, muna, zaakna tam mamana sung pan a kinga thei pilna nam khat ahi hi.
3. Education: Hi pilna sia laisin sanginn pan a kinga teptee theina tungtawn in ih nga pilna hi a, a tan ka tato in Degree laak theina ahi hi. Hi pilna in nuntakna tu ankuang hong musak hi.
4. Intellectual: a kici pilna sia pianpui ciimna le sin tawm pila kingawm pilna hi a, luheak, muktuk tungtawn a, telh thei heak thei pilna namkhat ahi hi.
5. Brilliant: a kici pilna sia tel palna heak palna, thuak manlanna pan hong piang pilna nam khat hi a, sinna tungtawn pan a kinga pilna nam hi ngawl hi.

Tua hi a, hamciamna tungtawnin a kinga thei pilna sintawm, kihilh tawmna pan a kinga pilna in ih leitung nuntakna tu ankuang hong pia thei ahikom mi theampo in saang kikaa tek, pilna kisin tek hi. American President a seam ngei mi minthang Abraham Lincoln sia zawng mama a, mei zongh nei zo ngawlin khua sung lam mei nuai ah laisim kici hi. Thaa mangthang tam mama a man Pathian mi zak Wesley te unau khawng sia a khua sungah lai hilh sanginn om ngawl a, a nu in inn sungah lai hilh tawm in khangto hi. Ih Pu Dr Vum Khua Hau zongh pilna a zon lai in Thuklai khua sungah Tan 4 dong bek om ahikom Tedim, Falam, Sagaing cite ah saang kaa in haksa pitak pilna a zon hu in a nuntak sung cimaw ngei ngawl hi. Zato syavuan pilna a nei Dr. Ngin Thawng sia a laisin lai in a keal an lawna ngangawn ah laibu pua in lai en a, thungen tawntung si hi ci hi. Tua hu in London ah zato pilna a sinna pan 1st position taw zawna nga hi Tu laitak hong lampui pilna sin a, a nuntakna a nuam ih suapui ih u te, ih pate zongh a zawng a cimaw veu ma hi siat tek a, sum leitoai valeng a, degree la in, ulian suak a, a nuamsa hi pheang hi. Microsoft taw leitung bup a haubel a suak Billgate sia sun taw zan taw tawlnga ngawlin pilna a zong a sin pa hi. Ama ii khangnote a hanthotna ah Khangnote sung pilna le hauna sia hanciamna ngawl taw a kinga thei hi ngawl hi ci hi. TV Game a vawt thei masa bel Steve Jobs zongh nu nei ngawl, pa nei ngawl, tanga a zawng mama khat hi. Ahizong mite heak ngei ngawl a thak khat peuma ka heak ka mu mateng ci in hanciam a, a sisin a vavawt le TV game vawt thei ahikom leitung mihaubel pawl sungah kihel hi. Kawl ngam sung kumpi naseam ulian khat le minuamsa sung a kihel suapui Mangkeuh in khangnote awng, Burning Desire mei bangin a kuang top a mit ngei ngawl bang ahi tupna le sawmna nei vun a, pilna zonna, nuntakna zonna ah dathaam in thim om heak vun. Thumaan in citak vun. Tua hi pole leitung mihing theampo ii 50% tungah a om hizo ni hi ci hi. Leitung ah mipil a suak mihau minuamsa theampo ih et ciangin hanciamna nei ngawl a, mipil a suak kuama om ngawl hi. Minuamsa a suak kuama om ngawl hi.

Leitung ah pilna saang mama a, degree tampi nei napi a ciim ngawl het valamh pawlkhat om hi. Ciimna kisin thei ngawl hanciam thu taw a kinga hi ngawl, Pathian hong piak hikale Solomon in ciimna sia Pathian tungah ngen hi kici hi. Ngen hi ci kammal sia hanciamna kihel hi. Ngen hamtang a, Topa in pia hi. Mihing ciim khat in ngual maktaktu pau memeang ngawl hi. A son nop thu khat zongh a soaiheam veu in sonzaw thei hi. Athin sung seal thiam hi. Mite lungkim sak thei a, mite in itsak thei hi. Topa zatakna in ciimna kipatna a ci bangma Pathian zakta thei hi. Pathian thinsung mite thin sung tel thiam hi. Mite omdan paudan khen tel thei hi. Russia te in, ciimna in nuntakna keamcing hi, a ci bangma kampau thiam, kamneal pau theina sia ciimna hi. Topa bekma ciimna pia thei ahikom khangno theampo in Topa tungah ciimna ngen le pha hi.

Mipil khat na suak nuam le lai tam mama na sim kul tu hi. Mihing pilna a dei khat in ama sangin a pilzaw te taw kithawl hi. Eima sangin a pil ngawlzaw te taw ih kithawl le ih pilna khang ngei ngawl tu hi Laibu tuatuam a sim tawntung khat sia midang laisim ngawl khat sangin a heakna saangzaw hi. Laibu tampi a sim ngawl mihing khat le laisim hat mama khat a thuson dan kibang ngawl hi. A heakna ah kibang ngawl hi. Ama sangin-a pil zawte taw a kithawl tawntung a, thu a dongh hat mama te heakna pilna hau mama hi. Ngual ii nuntak zon dan, pilna zondan en nuam mu nuam a, a hanciam khat in a mu neneng teng tawmin ngual nuntakdan he in zui pai thei hi. Muna zaakna tam mama a nei khat sia midangte sangin kansaang zaw hamtang hi. Kawl paunak khat ah ေမးဖန္မ်ား စကားရ (Thu adong haat mama te in thu tam mama he) ci a, thu khat papo he nuam vilvel a, thudok hat mama te pilna ma nga hi. Lu thum nei te thu dongh vun ci Kawl paunak om bangin khanghaamte thu dongh a, pilna zongte sia paikhial ngei ngawl hi. American President seamte sia a pil ngawl om ngawl hi. Ahihang amate sangin a haam zaw, muna heakna tam a neite 4 bang 5 bang peuma thu dok tu in koi hamtang hi.

A pil sa, a thiam sa in a suak mihing ta kuama om ngawl hi. Leitung ah a pilbel a kici theampo ABC pan a kipan vive hi a, sin ngawlin heak paih thei tam ngawl hi. Nuntakna zonna ah ahizong, mipil hi ci a, teptee thei natu ahizong, sangkaa kul hamtang hi. Pil hi cina degree ih nga nale a ciim ngawl het khat zongh mipil in kiciamtee hi. Kumpi nasep, Company nasep a seam nuam khat papo sia laitan bangza ong ziam? kici masa hi. Pil hi ci tepteena khat peuma ih nei bana le leitung ah thatang bekma ih suan kul paih hi. 1988 pan kipan Kawlngam sungah pilna sang kithupi sak leih ngawl ahikom pilna dei mi tampi tak ngamdang ah pai in, nasep khat papo seam kawmin pilna sin tek hi. Amate le amate zon tawm, a thalaw tawm taw sangkaa hi. Degree khat papo la in tua ngam ah ulian suak tam mama hi. Ih nu ih pa in zongh ngual nuntakna ma ban lei le hong oai manin nei ngawl vangui ma sang hong kaa sak hi. Laisin sanginn ah hong kipai sak tu le tate in nu le pa ii deisakna tel tek le lai et tu zongh dathaam ngawl tu hi. Nu le pa in ngual puansilh bangma hong silhsak nuam lai, ngual peangdap thuate ma hong thuasak nuam lai, a du vangau khat zongh ne ngam ngawl, a dei vangau khat zongh lei ngam ngawl a, sang hong kaa sak, hong tawsawn ahi hunlam khangno theampo in a thin sung tawngah ngiaksak tek thei thong le ngual nuntakna ban zo tek tu ci sia kimu sinsen hi.

Khangno khat in ngual luheak dan ngual muktuk dan tel thiamin a om thei buale a mawmaw sazian sungah a kihel piapian ahi hi. Teih valam zo kazu hong pauvaang hi vak ci khawng a, a ngaisun lalai te sia ngual sungah maizum huai hi. Mite ii kam soaiheam pau khawng tel natu hamciam in. Mit-ha dan, luheak dan taw mite vaihawm kuna te na tel thei buale ngual vawtsiat thuak tawntung tu ni hi. Mihing khat taw na kithol ciangin a kampau dan, a luheak dan, a mit-ha dan encian masa in. Tua bangin na en thiam bua a, na khentel thei buale hong zuak kuku zongh hi thei hi. Mihing khat papo ii thuson na ngai ciangin khuadang en heak in. Na ngaisutna dangte bosak in Thuson po ii kam en nginge in a, na bil sung na thuak sungah tumsak vangeu in. Tua bang hi lete thu tel pal pilna a nga na hi tu a, ngual nungsang ah na om buatu hi. Kitei sak in Dathaam heak in. Pilna dei citak dei in Kawlte in ႀကိဳးစားမွ ဘုရားျဖစ္ ci a, hanciam lete pathian ngangawn kisuak thei ci liang hi. Pathian ih sua tu he bua hing hanciam in pilna zong leang a saangbel ih theng zo bua zong ngual nuai ah kitaak suh liang ngawl hi. Mun theampo ah pilna ngawl taw kimualsuak zo ngawl hi.

Rev. Dr Do Lian in “Biakna sia Pilna tungah kinga hen Hauna sia Pilna in lampui hen. Ngaisun phot, ngeal phot ngawl peuma na khat papo kiseam heak hen, ci hi. Tuasia bangma lothaw nasep a seam nuam ahizong, ngankhoai nasep a seam nuam ahizong, nasep khat papo sia pilna nei khat in seam le zawna nga bek hi. Sangmang Johnson in “Zomite sungah BA ong khat in lo hong thaw ciangin khantona om pheang tu ci hi. Vantung nuntakna ahizong, leitung nuntakna ahizong pilna ngawl taw ih seam le maizumna le lela supna in hong dawn tua bek tu hi. Tua ahikom Zaangsi ka sawn momnote awng va bang pil tu ma mun theampo ah thupi bel hi. Hanlungciam vun.

Ih pu ih pate in pilna sia va bang pil na ci se hi. Vacim bangin pil tu cina hi. Vacim theampo en leang a dathaam tuak, a lusu vangau vacim kimu ngei ngawl hi. A ngaisutna manlang sak a, a lu heak tawntungin a mit le a nakheng a bil nasia takin zangh hi. A lu heak memeang in mun theampo mu vilvel ahikom a vawtsia tute pial thei hi. Koi sungah lungno, paak zu om ziam ci sia a mit taw mu vilvel hi. Dathaam ngawl ahikom mun theampo theng a, a ngilva tawntung hi. Lei ah leangsuh in lei pheet a, lungno thau nano taw kivaak hi. A khuala mamana ah leangin thingpaak sungah, thingpaak tui dawn hi. A pilna a mittang nasia zak mama ahikom ngual luheak dan tel pal a, ngal le tual khen thei in kikeam thiam hi. Vacimte zongh a nu tung pan pilna sin tawm hi. Savai dan, an zon dan, an om theina mun, sa om theina mun, ngal le tual khen theina ci pilna theampo a nu (a pui) tung panin sin hi. Vacim lusu vangui na mu le a thi nai hi tu hi. Mihing dathaam te ngual nuntak ban ngei ngawl hi. Laisin hun sung lai et tu a dathaamte a tamzaw lai ong ngei ngawl hi. Vacim bangma dathaam ngawl a, mun theampo a theng, pilna nuntakna a zong vealvul teng ma simlei lo pet in nuamsa in nungta hi.

Ngalhang Kumpi minthang Alexander sia a pa kumpi Philip hi. Kumpi pa tapa hi kasap a pa in mizawng khat ii ta bangin koi a, mipil Aristotle sang ah laisin sak hi. Tua ahikom hanciam in pilna sin a, ngam tampi zo in Kumpi minthang suak hi. Sunphuk natna a bawl thei masabel Edward Jermer sia, a no lai in a pa thi hi. Cimawkna, zawnna, haksatna kawm ah pilna sin in hanciam ahikom sunphuk natna (Smallpox) a bawl thei masabel Doctor suak a minthangbel sungah kihel hi. Jet vanleang engine a vawt thei masabel Sir. Frank Whittle sia a pa mizawng mama, a cimaw khat hi. Ahizong haksa pi in pilna sinin hanciam a, a manlang mama Jet vanleang engine bebek vawt ahikom 1941 kumin zawna le minthanna nga hi. Tuni in ama pilna taw hanciam in a vawtsa Jet engine taw ih pai nopna po ah hun tawmno sung kitheng thei hi. Electric Khualengmei a vawt thei masa bel Michael Faraday sia a nu le a pa mizawng mama te hi a, pilna zongh tam sin zo ngawl hi. A tangval pian ciangin laibu sai khat ah nasep tum hi. Tua laibu sai sungah laibute a sisimna pan khualengmei piansak tu phawk a, hanciam in a vawt tato le Electric khualeng mei vawt thei hi. Ama hanciam pilna taw tuni in leitung theampo ah zan in khuavak taang kimu a, nasepna lian setzung theampo ah khualeng mei bebek taw na a kisep manin ih leitung nuntakna hong kansaang sak hi.

Leitung mipil a minthang tampi te a nu a pa a nuamsa, a hau tam ngawl hi. Amate hanciam tawmna taw pilna zong a, min le za a nga tamzaw hi. Na nu na pa a zawn hangin thinkiam heak in. Pilna sia tuidu dangtak bang, an du bangin dei in a, thinkiam ngawl het in hanciamin sin in. Solomon in pilna sia na neisa theampo a bo dong sin in ci liang hi. ပညာေရႊအိုး လူမခိုး (pilna kham bung, ki nguk sak thei ngawl) ci Kawl paunak om bangin mite hong nguksakthei ngawl leitung ah pilna bek om hi. Pilna na nei le khambeal a nei suak ni hi Hanlungciam vun Zaangsi sawn momnote awng.

1. Zaangsi ka sawn momno ngual aw,
va bang pil ding hamlungciam ve vua.
Va bang pil ding hanlungciam vun a,
mual tung va bang tuang vev vua.

2. Tun le zua ii hanlungciamna,
a kum in kamsaang ve vua.
A kum in kansaang ve vun a,
sesum zatam lam ve vua.

3. Tun minlawna, zua minlawna,
langlamh zatam phungcing sak vua.
Langlamh zatam phungcing sak vua,
ngual la ni bang taang ve vua.

____________________________________

Note: Khuavak SRBA Annual Magazine No. 8 sungpan

Read More

Siallum Kum 123 Cing (May 4 Siallum Ni)

Mangkaangte Kawlngam a laak zawk 1887 kumin, Zongam dong a la suak tu in Mangkaang ngalkap maang Captain Wright, Kawlpi hong theng hi. Ngal kisim kul ngawl a, hong ukthei natu vaihawm nuamin khamtung ukpi, khua hausate Kawlpi ah a pai natu, kamtai sawl a, samsak hi. Zomi lampuite zongh taangmi (5) teal a, Kawlpi paisak hi. (Sizang Khua 5 pan) Captain Wright taw a kimu uh ciang mai etna in, Khap 5 le zung 3 a zai Zam 5, Taubeal 5, Puanvan silh 5 le h’angke teen 120 pia hi Tuazawk ciang, thu tu bang a vaitha hi, “Kam uai ka zak luangin Letsong tu te hong thak ung, thusau ngaisun vun Kawlpi hong sim nawn heak vun. Kawlte omna ngam teng la zo khu hi, Khamtung teng le, Kawlpi zaang teng a uk tu ka koi uh Ukpa thu na mang bua uhle, ka ngalkap te in hong mansak tu khu hi” ci hi.

Taangmi (5) te in lungkim ngawlin nial paih hi. Zongam a thet kik uh ciang, ngam lampuite kikum a, hi bang in thu zasak kik hi. “Pha hi no Mangkaangte zongh ko ngam sung hong pai heak vun. Ko no hong mu ngei ngawl khu hi, ka zi ka tate in no hong mu le hong lau ngawp tu hi.”

Ahizong Mangkaangte in ei mi lampuite ii thuson awlmawk ngawlin “Ko thu hong ni zaw tavun, kilemna hizaw hi, tu ka lampui uh te khamtung ngam hong pai tu hi ahizong no hong susia tu hi ngawl hi, Poai ukpi pa taw a kimu tu le ngam en tu in hong paito tu hi” ci in thu zasak kik hi.

Sizang lampuite in hi bangin thu zasak kik hi “Ko no lampui te ii ngam et tu sia hong khaam zo ngawl tu khu hi. Ahizong Poaite ukpi pa taw na kimunuam uhle Kawlpi ii nitumna sang pan Poai ukpi ngam paina lampi om hi” ci in zasak hi. Ahizong Mangkaangte in “Ko Poai Ukpi ngam paina lampi he ngawl khu hi. Upper Chindwin le India ngam, Sittakaung dong theng tu, lampi khatziik tu ka hi uh ciang, kuli le nguai an tu vaihawm tavun” ci leleau uh hi.

Sizang lampuite in bangma hun, Thaangmual kansak ngawl tu ci in khensat a, baangkua khat pan pasal khat veu naam, thau, tei, toai in Mangkaang te ii ngalphual kisim a, mihing (5) in a nuntakna pia hi.

A kik ciang Mangkaang te ii lamziikna Zuhawm mual kisim a, tua mun panin thikmol, Pokpeak, nam le lamziik na ah a kizangh vahn tatuam matsak hi. Kawlpi dong hawlsuk siat hi. Tedim hausa pa Khaw Cin in a ngalkap 400 le Mualbeam pan 30 zongh ngal hu in hong panpui hi. Kawlpi a simna ah Zomi 5 thi a, Mangkaang te 17 man hi. Tua hun pan kipan Maangkaang te zongh a ngalkap te Thuangthi (Kawlpi pan tai 8 na ) ah koito hi.

Sizang ngam le Kawlpi kilaklaw teng ah Mangkaang te le Zo ngalhang te (United Zomi Force) sa kidel ngal kidel in ngam sung ki uum in kisim hi. (Skirmish ) Ahihang ngalvan te kikhaai lei ahikom nungkin kik hi. A tung a son sa bangin Tulsuk, Zuhawm mual ah kisim zawkciang a zomin Phatzaang mual, Leisan mual, Han Thang leiziikna, Nilum mual teng ah kisim kidona om tato sia, 4 Feb.1889 ni in Mangkaang ngalkapte Khuasak hong theng a, inn khat zawk inn khat hal tham hi. Khuasak ah Mangkaangte a om sungin Buanman khua ah Sizang ngam, Kamhau ngam, Sukte uk ngam, Zahau ngam le Tedim khua pan kingawm (Zo ngam Ngalkap) 2000 bang kikaikhawm in Mangkaangte sim tu le sim ngawl tu a kikup laitak Mangkaang te in Khuasak pan Top (Cannon ) taw Buanman khua kap phei in, inn, thingkung, lopa hong kaang ngawp a, Zomi te in lamdang kisa hi. Sukte le Kamhau te, Zahau te in Sizang lampuite kung ah “Ko koma ngam pan sim zaw tu khu hi” ci in Sizangte hong nusia hi. Sizangte zongh a tam zaw ngam sungah kibuu hi.

Khuasak le Buanman a hal zawk ciang Thuklai Zaangpitam ah Mangkaang ngalkapte phual hong sat leleau a, amate taw kilemna a vawt nuamte sam a, pawlkhatte in kilemna vawt hi. Ahihang a lei nuam ngawl teng le kilemna a vawt nuam ngawl Buanman & Voklak pawlkhat sia Tua Nuam tuute in lampui in, Siallum kulh to in, Mangkaangte do veve sawm hi. Siallum kulh sia Kulhpi, Nupi kulh, Kulhbaan, Kulhpeang, Ngalvil Dum ci in nasia tak a, a kivawt ahi hi. Kulhpi sia ngalte a dona mun pi hi.

Nupi,kulh sia, numei, patangte buhna hi. Kulbaan sia kulh khat le khat kizopna hi. Kulhpeang sia , Pu En Kham te inn khuan buhna hi. Ngalvil Dum sia, ngalte ngam tatna, mu thei natu dum a kito hi.

Mangkaang te do natu in, nasia tak a kivawt Siallum kulh thu sia ngal kilemna a vawt masa pasal 2 in Mangkaang te tungah thupuak hi. Tuasia ciangin, a ngalkap no te pai sakin kilemmna vawt a, unau bang om thei natu thu zasak hi. Siallum lampuite in ‘Bangma hun, niamzaw lelzaw ngawl tu” ci in zo hi. Mangkaang te zongh in “Kilemna nong vawt nuam bua uhle, 4 May 1889 ni kuan tu khu hi. Na kidawm vun” ci in zasak hi.
Siallum lampuite zongh in “Hi ma hen, pha hi. Manlang kuan tavun, na chi uh luang sak tu khu hi” ci in zo kik a, a sun a zan in nasia tak kinging hi. 4 May 1889 ni in Mangkaang te Siallum sim tu in ngaldap 380 taw Thuklai pan kuan hi .The Chin Hill vol 1 na sung laimai 30 na ah Siallum sim tu in a pai 125 bek ci hi. Pu Bo Khup Za Thang ii laibu vawt sia sung 160 kici hi.

Liimkhai khua pan a khang, kamphen Kyaw Thwe in lamlak in Thuklai pan Buanman, Mualsan, Nuunpi Nalun, Taaikhe Taaitaan, Minsii tawnin Siallum sang hong kuan hi (Lamlak pa in lamkhial pui niknek hi). Mangkaang ngalkapte hong kuan sia, Nalun mual tungah ngalvil a om That Khup tuu Pu Zong Awn in mu a, Siallum kulh ah thu za sak paih hi. A dawl a dawl a om ngalvil pawlte zongh ngalte mi phaza simin kulhpi pan a do tu hong theng hon hi.

Ngalte hong neak tatak ciang, lampui khat ahi Pu Vum Mang le Pu Thang Hau thakkhatthu, kulh pan leang to a, kap ahikom ngalte 2 thi paih hi. Tuasia pan kipan, tawlnga ngawlin kikap uh hi. Tua hun laitak sia zingsang nai 10 hun ahi hi. Sun khuateak kikap a, nitak nai 4 val dong kikap hi. Mangkaang te in kulh ii condition sia he ngawl si Sizang ngalhang te ii a thinkhona sia phul zo ngawl si hi.

Liimkhai khua pan Khat Kap, Kam Suak, Son Thuam te unaute in “Ih u le naute mongsiat petma ngawl tu ziam” ci a Mangkaang te nung pan hong kap ciang, Mangkaang te in Zomi pui a dang te in a kiim uum sa in lau in tai ngawp leleau hi.

Mangkaang te 3 le a dang 83 thi hi. Ahizong Chin Hills vol 1 page 31 ah Mangkaang officer 1 thi a, Captain Mayne le Surgeon Le Quesne liam hi. Ngaldap 3 thi a, 8 liam hi ci a, ciamtee hi. Ngal haksat mama ciang a kinga Victoria Cross sia Surgeon Le Quesene in nga hi., Mangkaang te ngalhiam pha zaw ahikom, ni kaai sang ciangin kido zo nawn ngawl a, Siallum kulhpi pan, ngam le minam atu in luang 27 kisial suak hi. Tua hikom, Voklaak khua mawk Siallum kulh sia a pha tatak kipua a, mi theampo et thei tu in, a thi teng ii min Suangkaang tungah at in tuni dong kimu thei hi. Siallum kulh panin ngam atu a nuntakna a pia teng min, a nuai a bangin kiciamtee hi.

1. Pu Khup Vum
2. Pi Vung Neam
3. Pi Ot Huai
4. Pu Khai Suak
5. Pu Lian Kam
6. Pu Vum Mang
7. Pu Tuang Vungh
8. Pi Huai Nuam
9. Pu Pau Suang
10. Pi Lian Vung
11. Pu Zong On
12. Pu Pau Suang
13. Pi Lian Vung
14. Pu Zong On
15. Pu Zong Thuam
16. Pu Za Vum
17. Pi Lam Ciang
18. Pu Thang Hau
19. Pi Uap Nuam
20. Pu Lu Kam
21. Pi Niang Ciang
22. Pu Son Suang
23. Pu En Kham
24. Pi Dim Ngiak
25. Pu Pau Lam
26. Hang Sing
27. Pi Uap Huai

Heaktu: SCC Magazine 2012 sungpan hi aa, lai at min kiat ngawl. 2012 kum a kiat ahikom, tu kum (2013) ciang Siallum kum 124 cing tu hi. Siallumah nuntakna a pia teng min sungah Pu Pau Suang, Pi Lian Vung, Pu Zong On minte 2 veitek kiat hi. Lai at pa/nu ii khialna ziam? Computer lai ngual pa/nu ii khialna ziam? Tua hibuale, min kibang mihing 3 ma ziam? Khat sasaang hi tu hi.

Post by Thawngno(NKH)

Read More

Siallum Kido Na Thu

Filed Under  Thawng Khaw Hau

By Pu Thawng Khaw Hau

Mangkangte khuasak a thet ni-in Buanman a, Sizaang, Tiddim, Sukte tul nih bang kikhawm hi, Tuak sungah Khaw Chin zong hong kihel hi. Tu-in kumpite do tu hi ziam. Tum zawtu hi ziam, ti a, a kikup lai takin Kumpite in Khawsak pan top tawh hong kap, a Thautang hong nging kik dawm ngawlin, Lopa, thingkung hong kuang siat pai hi. 

Tua Thautang puak tham kitak huai a, lamdang kisa a hi manin, Tiddim mi le Khaw Chin te pawlin hong tai san hi. Tua a hi komin Thuklai, Buanman, Khawsak dui sungah kitai siat hi. Limkhai Manglun a hi leh Kumpite kung zuan pai a, kipawl pai hi.

Tuahnuam tuu Taapte pawlin “Kumpite do tu hi” tiin Vaihawm in Siallum ah kul to hi. Siallum-ah kulh 3 kito hi. Khiapthuam tuu le Thaikhup tuu tein, “Kumte (kumpite) ih dotu sia, um nawn ba ve hing, Sisang buppi aa in do a, ih nan lak sa ahi tiang, tum zaw ve tawng, ti hi.

Tapte pawlin Kumpite in hong uk le, Voklak ngam Limkhaite tawh ih kitu sia, tan kik leleu tu ih hi tiang, Kumpite ma do zaw tu hi, Nong do pui nuam bua a, a hi leh Kumpite ka zo uh le, Voklak ngam sia lo ting khat zong nga thei ngawl tu nu hi, ti hi.

Khiapthuam tu le Thatkhup tuu tein, a hi le, Kumpite hong dopui ngawl tu khu hi, tiin Duhmang—Takkhawlah teang a, Siallum kulh pan hong dopui ngawl hi. A hi zong Thatkhup tuu le Khiapthuam tuu, Tunzam pa Orntun in hong dopui hi. Orntun sia, ngal vil vive le ngal en ku vive in kikawi hi. Kulh hawng sia, puanbuu tawh kikhak a, Puan bu
hawng pan Orntun in en sak tawntung hi. A dang pan a sawl tak Hongsuak le Sumson te in hong kah pui hi. Thatkhup tuu pan Zavum, Zongtuang, Enthuam, Lamkhiup in hong do
pui hi. Siallum kulh sia kulh 3 in kivawt a, a uktu mining 3 kikawi hi. Liankam, Vummang Kamtin in kiuk sak hi. Dolian in nupi kulh uk hi.

(a) Ngamzang daw tam ka ngai man a, lei do pal bang nang ing e.
Phung luang huan thing zan kisia e, sang lun a zawi kik ing e.

Manglun in Kumpite mun a pai a, Siallumah kulh to hi, tiin son hi. (The Chin Hills Vol. 1. Page 134). – Kumpite in, ”Mi nam dang sua pui u le naute awng, kilem tu hi, hong pai ta vun, kote sia na ngam hong sesak tu bi ngawl khu hi. Kilemna vawt lu a hong pai sak, ngam vil aa hong sawl te hi bek khu hi” tiin kam hong tai sak hi.

Siallum panin kam kivai tha kik a, ” Kote hong tum ngawl tu khu hi,” ti hi. Tasia tiang Kumpi te in hong tum ngawl takpi tu na hi uh le tua ni tua tha a, hong kap tu a, hong paitu khu hi. Na kinging khol vun tiin thu hong pia leleu hi.

Siallum pan Kumpite munah kam kipuak kik a, “Pha hi, hong pai ma memeng ta vun, thi san nai san hong suah nuam memeng khu hi,” ti hi. Kumpite ih a kamphen hong ken pa sia Kio Thuai hi. Kio Thuai sia kawl mi hi. Nawikai khua teang hi. A masia limkhai Tuangkham inn teang pa hi. Tua huh in Sizaang kam a tel thiangtho in kamphen thei hi.

Ih pu ih pa tepteh na panin Siallum simtu in, ngalkap 380 hong kuan hi. A Kamphen pa Kio Thuai in Siallum lam ap pui za zan a, zing sang vak bek a, Thuklai pan hong kuan sia, Siallum nai 10 in kikap pheang hi. Kumpite laibu vawt The Chin Hills Vol. 1-na sung lai mai 30 sungah Siallum ngalkap tu aa, a pai, Sizang simtu lubeamte 60 le Lutung te 65, a vekpi-in 125, kikuan hi, tiin at hi.

Thuklai panin Sizang te omna Siallum simtu in, Buanmanah hong pai suk hi. Buanman pan Mualsan hong zui hi. Mualsan pan Ngumpi hong zui hi, Ngumpi pan Nalun, Nalun pan Taikhe, Taikbe pan, Taitan, Taitan pan Minsi, Minsi pan Siallum bong theng hi. Lampui pa Kio thuai in lam ap pui nik nek hi.

Siallum kulh hong thet dek tak tiangin, Kiothuai in, “U le nau, pu le pi te awng, kikap ngawl tu hi, Kilem tu hi, hong tum zaw ta vun,” tiin hong au suk va pum hi. Tasia tiang, Pa Vummang le Ngang Thanghau a kulh pan a thau tawh pu suak a, Ngalkap mang khat ve ve kap lum pai hi.

Zing sang nai 10 pa kipan nai 4 dong Kumpite kido hi, Lubemte mah mah, Sizangte bang main hang ma ma a, Lubemte kilel bel hi. Lubemte hong pai bua hen a, Mangkangte le Lutung te bek hi le kizo tu a hi hi. Mihing 380 hong kuan sung pan kulh 2 hong zo zo ngawl a, kulh khat bek hong zo hi. Limkhai u le nau tein Siallum kikah laiin bong hun ngawl a inn ngal pan in hong en bek hi. Khiapthuam tuu le Thatkhup tu tein bong hun ngawltu khu hi, hong kahpui ngawltu khu hi, hong ti bang main, Takkhawl—Duhmang khuaah a om hi.

Thuklai le Khuasak te a hi le ngal ki tai a hi manin hong hu nuam zong dui sungah ki-om tek a, hong hu thei ngawl hi. Tua lai takin Bo Orn Ngin pa te unau Khatkam, Kamsuak, Sonthuam Limkhai khuaah a teng hi.

Limkhai khua panin Khatkam, Kamsuak, Sonthuam hong kuan a, than lui hong zui a, ih u le ih nau mong siat takpi tu a hi tiang, ti-in a thin om thong thei ngawlin, Siallumah hong paitoin, a nai ta tak na panin Kumpite hong kap to hi.

Tua unau thum te ih hong kah tiangin, Mangkangte in Sizang a dangtein hu hi ta a, hong kim um hi, tiin lauin, Siallum kap nawn ngawlin tawng nga hi. Tuak panin Mangkang te luang a thi le a liam teng puain Thuklai khuaah a tia to pui hi. A dang, mi vomte luang le kawlte luang a thite sia pua zo ngawl in, nusia pai hi. A zing tiangin mithi luang nawn to a, Thuklai mikang than le Thaang than a phum hi.

Mangkangte a thi panin 3 thi hi. Mivomte le a dang Kawlte 83 thi hi, tiin kitiam the hi. A hi zong The Chin Hills Vol. 1. page 31 naah Mangkangte Officer khat thi hi. Captain Mayne le Surgeon Le Quesne liam hi. Ngalkap 3 thi a, 8 liam hi, tiin at hi. Surgeon Le Quesne in Victoria Cross nga hi. Ngal haksa ma ma tiang, Victoria Cross kinga thei pheang hi. Tua a hi tiang, Mangkangte zongin,, Siallum ngal, Sizangte do sia, haksa ma ma sa hi.

Ei mi a thi panin, 24 thi hi, tiin kitiam teh hi. A hi zong, The Chin Hills Vol. 1. page 30 na sungah Tuahnuam tuu 100 bang pha hi. A hi gang a kulh sungah 80 bang om hi. Tasung a mihing 29 kikap lum a, 11 liam hi, tiin at hi.

A zing tiangin, Mangkang te pawl a thi teng luang kinawn a, a ni 5 ni tiangin hong kuan kik hi. Hong kuan niin, Ting (Top) hong keng a top tawh hong kap masa hi. Mihing te kitai siat zo hi napiin thautang le thau vui bo thawthong in, hi va nul in hong kap va nawm thaw thong hi.

Tuahnuam tuu thau tawi 30 kipha bek hi. A thi teng kim khat kiphum a, kim khat inn khat sungah kikhol zi hi. A hong kuan kik ni-in Siallum inn khat sim ngawl, a vekpi-in hong hal thap sak siat hi.

Taapte pawlin, Kamsuakte unau ih Siallum ngal hong sim pui sia, lungdam na tawh ma ngil thei ngawl hi. Tasia ahi bang ma Kamsuak kihuh a Pu Do Lian zongin a thi dongin hu hi, ti-in kitiam te hi.

Khiapthuam tuu le Thatkhup tuu te ih hong huh ngawl a hi hang, thin uk tuan na kinei ngawl hi. Hong thu hilna te, thu maan thu tak hi tiin kiphawk kik hi.

Limkhai Manglun te ih Kumpite a tuu pai a, hong khiak zong, thin uk aa kinei ngawl hi. Ih pu ih pa, ngal hang lei law lawm a hi kom, a zawtu tawh, a zawh ngawltu tawh, zo tu aa, ki-um a, a thin letna lang sak a, tutiang dong, Sizang pa tang thin le lung mu pha nei te in nuam thong peang ngawlin Zapante a thi dongin, kap leleu hi.

Dui sungah a kitai na thu pan, ih hiam zak, ih na zak kibang ngawl a hi komin dui sungah kitai hi. Lupheangte hong kihel. ngawl hi le a, Lutung te le Mangkangte bek hi le, Sizang ngam hong zo ngei ngawl tu hi, ti-in ih pu le pa ih te in son bi.

Tuahnuam tuu ni 4 – 5 – 1889 kum a thi:—

(1) Liankham, (2) Vummang. (3) Sempau. (4) Tuangvungh, (5) Hangsing
(6) Paulam (7) Khuplam (8) Kamtin (9) Khupvum (10) Zavum

____________________

Heaktu: 2013 May tha sung Siallum kum 124 cing ahikom, Siallum phawna, Pu Thawng Khaw Hau laibu “ZO KHANG SIMNA LAIBU” part 1 sungpan “Siallum Kido Na Thu” kong suak sak hi. Pu Thawng Khaw Hau sia Falam Civil Hospital ah Headmaster a seam ngei khat hi aa, a laibu hisia a at lai in Pu Lam Khaw Mang (Thuklai hausa lui) taw a vawt khop hi. Hi laibu vawt natu in Sya Kim Za Hau, Pu P. Ngin Za Thang le Pu Ngo Ko Khai te in hong hu hi ci in, laibu sungah kiat hi. Laimal ngawm dan taw kisai, lai at, Pu Thawng Khaw Hau ii at babang kong ngual kik hi. ‘C’ taw a kiat peuma ‘T’ zangh ahinate zong ih mu tu hi. Hi laingual taw kisai thu le la theampo, Pu Thawng Khaw Hau, Pu Lam Khaw Mang le a hu teng 3 ii, ngaisutna le telna hi. ‘ZO KHANG SIMNA LAIBU” hisia 1955 kum ‘The Chin Baptist Press’ Falam khuaah ki-print aa, A original laibu pan a sim nuamte atu zong kong suaksak hi. Laibu hong pia, Pu Ngocinthawng Suantak tung zong ah lungdam hi.

Posted by : Thawngno

Read More

Sizang Lai Nei zawk Kumh (120) Cin Khan Suang

 Sizang minam te, a tu lai ki vawt phit Kum 120 cinh Khansuang phuna  Taingen ah 2011 December
in kivawt aa, Khansuang hon na Lemle tum na

Read More

Khua Sang Set Tawh Lam Ziik Na

Khua sang Set taw lamziikna thu a tom in hong thak ing. Set saap sia,
Nai khat ciang
Ks. 32,000/- hi.

01. Buanman Lam - Nai 37x32,000 = 1,184,000/-
02. Biakinn - Nai 14x32,000 = 448,000/-
03. Thanglam - Nai 106x32,000 = 3,392,000/- (10. 5. 2013 ni
ciaciang), tuni zong Set

'2' taw diang lai uh hi.

Akingawm 10 May 2013 ni dong sia Ks. 5,024,000/- bo hi.

Hangsen
Khuasak.

Read More

1500 Phone Card Tee

Read More

Kham Tung aa Mawtaw Pai Na Ham Sa

Read More

Nipi Khat Sung Kawlpi ah Inn (2) vei Kaang

Read More

CNP President MP Pu Zo Zam Tawh Interview

Read More

စစ္ကိုင္းတုိင္း ေဒသႀကီး မုံရြာၿမိဳ႕၌ ေလျပင္းမ်ား တုိက္ခတ္ လူေနအိမ္မ်ား ပ်က္စီး

 စစ္ကိုင္းတိုင္း ေဒသႀကီး မုံရြာၿမဳိ႕၌ ယေန႔ ညေန ၃ နာရီ ၁၅ မိနစ္မွ ၃ နာရီ ၄၅ မိနစ္အထိ တစ္နာရီမိုင္ ၆ဝ ႏႈန္းျဖင့္ ေလျပင္း တိုက္ခတ္ခဲ့ေၾကာင္း သိရသည္။ အဆိုပါ ေလျပင္း တိုက္ခတ္မႈေၾကာင့္ မံုရြာၿမိဳ႕၊

ေက်ာကၠာ လမ္းႏွင့္ ဗုိလ္ခ်ဳပ္လမ္း တစ္ေလွ်ာက္ရွိ သစ္ပင္ႀကီးမ်ား လဲက် က်ဳိးပဲ့ခဲ့ရာ ဂ်စ္ကားတစ္စီး ပ်က္စီးၿပီး လူ ေနအိမ္ႏွင့္ အေဆာက္အအံု အခ်ဳိ႕ အမိုးလန္ ပ်က္စီးခဲ့သည္။

ထို႔အျပင္ လမ္းမီးတိုင္မ်ား လဲက်ခဲ့၍ ဓာတ္အားလိုင္းမ်ား ေခတၲ ျပတ္ေတာက္ ခဲ့ေၾကာင္းႏွင့္ လူမ်ား ထိခိုက္မႈ မရွိေၾကာင္း သိရသည္။ နယ္ေျမခံ တပ္မေတာ္ သားမ်ားက ေလျပင္း တိုက္ခတ္မႈ ျဖစ္ပြားရာ ေန ရာသို႔ သြားေရာက္၍ အပ်က္အစီးမ်ား ရွင္း လင္းျခင္းႏွင့္ ကူညီ ကယ္ဆယ္ေရး လုပ္ငန္းမ်ား ေဆာင္ရြက္ေပးလ်က္ ရိွေၾကာင္း သတင္း ရရိွသည္။(MWD)

Read More

Kalaywa Khua Pan Coal Puak Na Kiam

Read More

Nu Neam Tawng te nuta Ausi ah peam tu

UNHUCR te thu thiam na tawh in Yangon Seikkanta Lam ah teang Nu Neam Tawng (buanman)te nuta sia tuni 3-5-2013 ni in, Malaysia pan Ausi  Melbourne ah peam tu hi.Topa in ama te nu ta ih maban  ah thupha hong piak sak tahen.
Nu Neam Tawng sia USA ah om Rev.Dr. James Sing Za Khai ii nau hi.

Read More

SRDP Na Sep Na

SRDP 2013 Minutes

Read More

Inn Sang Thu

Thupuak :- Sya Nang Khai

Siyin News

Read More