Ciimnuai khua Sizang taisan in a pai unau ngate Sialtaang lui zui suh uh a, Ngatan lui le Sialtaang lui kingawmna Ngunpikaa a cina ah hong teang masa uh hi. (Ngunpikaa khua a ten lai, a zak a suang kongkhapi tu dongin om lai ci hi.) Ngunpikaa ah a ten sungin a sak, a thang, a kiim a paam ah pai in mun pha mun nuam tu zong kakoai uh hi. Ngamvilte pawlkhat in Ngatan lui zui to in Luipi dung zui kik leleau a, a thetna mun khat ah lei pha le lei pha ngawl heak natu in, bal tuu in nusia uh hi. Tua thu Mikaangte in hi bangin na teptee sak hi.
Those who went to inspect planted yams. As the ground was rich, these yams grew enormously. When they came to gather them, they had to prize them up with a lever, and it took two men to carry them. (1)
Hi bangin lei phana mun a mu ciang Ngunpikaa pan kitua to a, tua mun ah khua sat uh hi. A khua min sia a pa uh ii min a bo ngawl natu le a pa uh a phaw na in Thuantak ci in phuak a, uhaam bel ahi Nge Ngu in hausa seam hi. Thuantak khua sat hun sia AD 1560 kum pawl hi a, tua khua ah Zo ngeina om bangin Tual bawlin ciidam ngetna na nei paih hi. Tua hi a, tual bawl ciang Tual phuisamna sungah khua sat pupite ii min a nuai a bangin na hel hi.
“…. Nge Ngu khua sa na thiam in,
Hin Nung khua sa na thiam in,
Nun Zong khua sa na thiam in,
Dai Tawng khua sa na thiam in,
Vang Lok khua sa na thiam in ……….”
ci in tualbawl simin, tual phuisam pa ii phuisamna sungah kihel hamtang hi.
Hi bangin Thuantak khua sia Sizangte ii taangh khuapi khat hi a, Sizang minamte kizelh kikna khuapi ahi hi.
__________________________________________________
(1) L.B.Naylor, A Practical Handbook of the Chin Language p.44
Copy:- siyinbaptist wordpress
0 comments:
Post a Comment