Elevation – 950 ft
Khaikam khua sia 1966 kum pan kipan Sizang mi pawlkhat te ii ten masakna hi a, a masa in Tai kua veu kici hi. Khuasak (Theizang) ngam le Kawl zang ngamngi hi a, khamh le zaang mualpeang ah om hi. 1979 kum Lt.Col. E.K. Kim Ngin ii Zongam lampui a sep hun sungin Khaikam khua ci in a min laih a, tua mun ah Pu Khai Kam Park khat vawt hi.
Khaikam khua ah Lam sang te ii phual, Police zum, Forest le thing vawtna, Lotho zum, Basic Education Primary School, MPPE le nganno khoaina ci te om hi. Khat vei lai in Zo ngam lampui te vaihawmna taw khuaimei vawtna zongh om ngei hi. Khaikam leitangh tungah kumpi te in College khat hong koi hi kale Kalay College kici a, tu ciangin Kalay University kici zaw hi.
Biakna taw kisai in Khaikam Sizang Tuiphum Pawlpi 1997 kum in kiphut a, a nawngkai tampi tak om hi kale 2003 kum ciang TSBC te in Biakinn vawt sak a tu dong SRBA sungah Pawlpi kip khat in om hi.
siyinbaptist wordpress
0 comments:
Post a Comment