Kawl Sizang khua (Siyin Ywa) sia Khuasak pan Pu Thuam Kam ii lampui vaihawmna taw a kisat khua ahi hi. Khua sat kum sia 1929-30 kum sung hi a, khuasat thei natu in tua lai Mawlaik ah a to mangpipa ii oaina a piak thei dong phul to uh hi. Khuasat Pupi a teang masa bel teng a nuai a bang ahi hi.
1. Pu Thuam Kam (Khuasak)
2. Pu Kham Tuang (Limkhai)
3. Pu Kham Dong (Limkhai)
4. Pu Awn Vum (Limkhai)
5. Pu Kham Suang (Khuasak)
Kumpite tung ngetna ah Siyin Ywa (Kawl Sizang khua) ci in kingen hi kale tua khua munah a om Tuankungh bul khat pan kung thum pha in a po sia bulphu in Kawlte in (ႀကိဳ႕သံုးပင္ Gyoke Tone Pin, Thing Unau) a cina pan Thingunau thum zongh kici hi.
Khuasat Pupi te Tapidaw ahikom Biakinn mun tu zongh ngeal paih uh a, khuasat hun in Tuiphum Pawlpi kipan paih hi. Ngalpi niina hun sungin khamtung kizuan kik tek hi. Ngalbo zawkciang Kawlzang kizuan suh kik tek a, Tuiphum Pawlpi zongh khangto mama hi. 1950 February tha dong sia Khuasak Tuiphum Pawlpi sungah a om hi a, 1950 March tha ciang Khuasak Tuiphum Pawlpi panin inntuan hi.
1955 SDA upna hong om a, tu hun ciang UPC, RC, AG, Jehovah Witness, Yahwah, CC, BCJC, BCC, … biakna pawl tatuam te zongh om hi. Kawl Sizang, Siyin Tuiphum Pawlpi sia Kawlzang ah Sizang Pawlpi masa bel ahikom KVBA sungah kipawl a, tu laibu vawt hun ciang dong a mipui a u a nau taw Biakna Kipawlna khat sung (SRBA) sungah hong kipawl thei ngawl lai hi.
siyinbaptist wordpress
0 comments:
Post a Comment