Elevation – 6250 ft
Taingen khua sia Kalay Myo, Falam, le Tedim paina mawtaw lamkaabom ah a om khua khat ahi hi. Nuntak na a nuam zaw tu ngaisutna taw 1953 kum pan kipan Taingen ah lo tho in lo ngiak in kiteang a, nung sang ciang ansai vawtna mun le, sum buk vawtna mun hong suak to hi.
Taingen khua min sia pawlkhat in, tai nen cip taw kibang ahikom “Tainen” kici phot hi ci ahizong, pawlkhat in ngan tai khat tua mun pan ngen kik ahikom a tai ngetna mun “Tai ngen” cina pan piang hi ci ahizong, pawlkhat in Mikaangte ii “Try again” a cina pan Taingen kici hi ci ahizong kison tek hi kale a tam zaw in tu hun ciang “Taingen” ci tek uh hi.
Taingen khua ah 1966 kum panin Private Primary School kiphuan ngei a, 1972 dong kihong hi. 1986 kum ciang kumpi te in Basic Education Primary School nga sak hi. Kumpite in 2002 kum ciang (မူလြန္ mu-lun )f nga a, 2009 kum ciang (လယ္ခြဲ le-khaui) nga hi. Tua kum 2002 sung ma in Telegraph le Police Station zongh kikoi hi. 2002 kum ciang Auto Telephone zongh nga a, leitung mun theampo kipaupui thei hi.
Biakna taw kisai Tapidaw te ten masak na hi a, 1965 kum ciang Hiangziing taw kipawl in Tuiphum Pawlpi kipan hi. 1983 kum ciang AG Pawlpi om hi.
Khuasak khua ah 2004 kumin a tung Chin Christian Centenary tepteena in Taingen khua Sialsitaak mual ah Thungetna Innpui khat sak tu ZBC lampuina taw kisa hi.
siyinbaptist wordpress
0 comments:
Post a Comment