B.E.P.S ( Limkhai )

B.E.P.S (Laisin sang thu a tom) (by U Pum Lian. Hausapi)



Zolai sang:

Limkhai Bungh pan in Mission sang sia 1922 kum pan 1929-30 dong ki hong hi. Kumpi te in sang adei te pia nuam mama hi ka le, sang man phat na leh deina ki nei meal ngawl ahi man in, sang adei mama teng me hong sawh sak ciang in Voklaak te in nga ahi kom, Voklaak khua ah 1930 kum pan 1944 kum dong Limkhai khua pan in Voklaak khua ah sang kika hi.



Sang ki nga kik

1944 kum ciang in Pu Pau Kam in Thaang mual pan in, kumpi te tungah sanginn tu thikkang anget le, hong pia ahi kom, tangpi tha taw in ki pua to paih hi. Sanginn thing tuteng theampo zongh tangpi thataw ma in ki seam suak paih hi. Sanginn aki mansit set zawk ciang Pu Pau Kiam hanb ciam na taw ma in 1945 pan 1954 dong, kum kua sung Private sang ki hong hi. 1954 June ciang in kumpi te in State Primary School hong ngasak hi.



Manglai sang:

S.P.S Limkhai khua ah Syapi Khup Lamh Thang sang syapi hong sep hun sungin Thuklai sangpi (Twebet) in mang lai tansali dong kihong thei ci in Hausa upa te tungah thupuak ahi man, Hausa upa le khua sungpan thuhe tute sang Committee tu in ki teal a, akisam babangh in na hong seamtek uh hi. 1972 June 15 ni-in sang kihong thei hi. Sang Committee te zong hong hanciam tek in sangsya thap natu sum sang patang te tungpan in akhon ban ah sum nga thei natu lampi tuatuam te zong in kum 12 hunsung hanciam tek in kikal suan to hi.



Manglai kumpi sang:

1984 kum ciang in B.E.M.S sia Tua hun lai tak in Zongam kumpi seam Lt. Col. Kim Ngin, Lt. Col. Khai Mun Mang, Col Son Ko Vum, U Pau Do Nang te vaihawm thiam na taw in, sang bek hi ngawl in sanginn building tu dong in hong pian sak na hang in lungdam na lian mama a, ki mangil thei peuma ngawl ahi kom (Pyine Kaungsii Ukkatha) U Son Khua Vum ma ma in sang leh sang inn pi hon na 1986 kum in hong nei sak hi.



B.E.P.S Golden Jubilee:

Limkhai Uksuh tangpi tangta te in ih Zolai sang nga zawk kum sawmnga cing buang ahi ciang in, neak kum in Pathian tungah lundam ko na leh thu sonna khat nei leang pha ngawl tu ziam a ki ci ciang, Hausa upa te in zongh ki lung kim pui mama hi. Poai vawt natu in mihing khat ciang Ks. 250/- tek kikhon in vok teinkhat man khat kilei hi. Tua ban ah Malaysia ah a om u-le-nau te in zongh ama tetek ii lungdam na zazah tek uhtaw in hong panpui tek uh hi.



Jubilee phaw na mualsuang taw kisai, panghlii pha in ki vawt hi. Dr. A Lian Za Nang in panghkhat, Hausa lui U Suak Za Dal in panghkhat, Pu Pau Kam phaw na U Cin Khua Hau in panghkha, Hausapipa U Pum Lian in panghkhat kisi sak a, lai at man dong in ama tetek ma in silai uh hi. Jubilee phaw na in mualsuang phuna ukkhung le taih eakbuuk khan nih zong ki vawt lai hi.



Tedim myone pan in (Myone pinngayee mu) U Thang Thuam hong pai thei in, Mualsuang honna leh thusonna neithei hi. Pathian tungah lungdam kona hun sungah biakna sang pan sya te in kilam pui sak hi.Nitak anneak tek zawk ciang stageshow lasak na hun khangno te in zangh hi. Tua hun man zawk ciang Zo ngeina langui tatuam te le lapngui tatuam te taw in zan nai 12:00 dong lung dam na leh ngualnop na hun nuam te ki zangh khawm tek thei hi.



Ref: Centenary Christian Jubilee Magazine.....

Limkhai innkuan pan copy hi.

Posted in: Articles ( Siyin )