Zomi Baptist Convention (ZBC) pan Chin Baptist Convention in kikheal,

Tuni in ZBC pan CBC in kikheal na kikip sak hi. Tulai tak ZBC sung ah Association 28 a omh sung pan Tedim kampau sia Association 9 omlai hi.

Siyin Region Baptist Association, Zo Baptist Association, Khuanokual Baptist Association(?), Kalay Valley Baptist Association, Northern Kalay Valley Baptist Association leh Southern Kalay Valley Baptist Association, 6 sia ZBC sung ah kihel lai hi.

 

1980 kiim pawl in ZBC pan CBC kikheal na tu vai ki nase kikup mama a hi hang, ZBC sia Kumpi tung ah kiciam te sa hi ciang neisa/vanh lamsang taw nawngkai tu ci in, kizomh nawn ngawl hi.

1995 Khuasak khua ah Kumthum kikhop pi sung ah, Tedim Baptist Association te nuak tai bek dom ngawl in, Zomi Baptist Convention of Myanmar ci in phut kik a hi hang thutatuam te hang in TBA zong ZBCM sung ah ki pawl ngawl in, 2004 kum ciang , Tedim Baptist Convention ci in, Convention tuam taw hong om Myanmar Baptist Convention taw hong kizomh to hi. ZBCM sia MBC taw kizom thei ngawl hi.

 

Association 28 sung pan atam zaw in CHIN dei zaw hi. 1953 March tha 7 ni a kikip sak ZBC sia tu tha in kum 60 cing hi.

Kachin Baptist Convention, Karen Baptist Convention ci bang in ih lawm te in min na nei a hi ciang Chin Baptist Convention, Shan Baptist Convention, a omh bang  sia kilawm mama zaw kisa hi.

 

Tutung Chin Baptist Association  te kung Triennial meeting  sung  ZBC pan CBC in min lai tu ciang KVBA, NKVBA, SKVBA te vai hawm na sung ah om ngawl in pusuak hi. Ahi hang tua Association sung kihel Pawlpi mi pawlkhat sia pusuak ngawl in, “Ko ZBC vai hawm babang ka nit u” ci in kikhop na ah om suak hi.

 

Bangbang po hi zong Leitung bup ih hong heaksa CHIN sia ma bul phu in CHIN BAPTIST CONVENTION  ci in ZBC Kum 60 cinh ciang CBC ah kikheal hi.

Tepte tu: Pawlpi khat papo, Kipawlna khat papo ah, Nainganyee le Minam vai peuma hong tum ciang sia kikhen that ngei na hi.

Posted in: Thutatuam ( Siyin )