Pu K T Ngo Za Lian Thu Tawm

Sizang sung bek hi ngawl, Zongam ah, Taangh thubu a kici liang, Akua ma po ih hong heaksak, hong thudok sak, Pu K.T. Ngo Za Lian in 13th March 2013 , zingsang 1:00 am in hong nusia ci a kizak ciang a kuama po in ki khuangai tek hi.

Ngalkap sungpan a tawpzawk ciang, Tedim G.A, zum ah na hong seam aa, ama hangin, taangpi taangta in noptuam tam pi kinga hi. Pension laak zawk ciang in Tahan ah hong teang aa, Tahan Siyin Baptist Church phut Upa te sung ah ki hel hi.Pawlpi sung ah  nasia tak in na hong seam a hong uap hi.

Pasal cilngil mama khat hi aa, thuzongh he mama hi. Taangthu khat papo dongleang a khaawng a kheang in hong son thei hi. Tangthu manpha mama records tam mama zong keam si hi. Akuama po taw ki tuiton thei aa, mealheak zong hau mama hi.

Pu K.T Ngo Za Lian sia , Khuasak Khua, Kuntong tu Khanvuum bawng pan, Pu Khai Kam le Pi Mang Vung ih tapa hi. Pu Khai Vum sia Khamtung bup Thik kang inn a samasa phit bel hi .Tua hun lai Thiikkaang inn om ngawl lai a hi ciang tua inn en tu in Tedim ngam khuala sang pan in kapai ngiat uh ci in a son om hi.
Pu Khai Vum in , Mandalay dongh vaset pai in Thikkang lei hi,

Asua pui laizom pan, Unau tamphot ahi hang anuai a teng in khansau taw hong uap hi.

(1) (Suan Khaw Lian)
(2)  Vung Khaw Hau
(3) Ngo Za Lian (Z/N)

Ama sia Thuklai Sayapi Pu W. Lian Ngo tanu  Pi Mang Za Cing taw kiteang  aa amate sung pan piang a tate ,


(1) Rev. Vum Khat Pau, Yangon Siyin Baptist Church,
(2) S/M Vung Khan Cing
(3) Kaang Za Cing
(4) Dal Za Vung
(5) S/M Lian Dim Mang
(6) Ngo Hau Thang
(7) Vum Khan Hau
(8) Dim Thian Huai

Khuangai tek hi hang Pasal khanzo mama khat , a ette huai mama Pasal khat in in hong nusia ci in ka ngaisut ciang,ka thin anuam kik hi.

Hongnusiat, Innkuan pui te taw Ka khuangai khawm uh hi.

Hangzapome 

Posted in: Thutatuam ( Siyin )