Tulaitak in, SRBA ngambuppi ii thukimna taw in a kivawt ahi SRBA -2 Building sia kiman dedek zo ahina thu hi mail taw kong zasak hi. A leitangh sia Tahan Siyin Baptist Church te ii SRBA hong piak (Acre 2) tungah akisa hi in, a sauna 45' le azaina 18' hi in, dawl 2 in a kisa ahi hi.
SRBA ngamsung om thu-um mite bek hingawl in Sizaang mi theampo tungah Pathian min taw na seamkhawmtek tawng ci in innsim phial ah pai in huuna kingen a, tua tungtawn a kinga sumte taw a kisa ahi hi. Ks. Tein 200 sanction in a kivawt phot hi kale, thing man hong khan ciang in, sum kicing ngawl ahiman, zei ni, tu ni dong, SRBA GS, AGS le E&M Secretary te Kawlzaang tengah inn vak in huuna ngen uh hi.
Pathian itna le minamte khualna taw in hi bangin piakkhiatna, sepkhiatna le thungetna taw ma a pang akuama theampo tung ah ih Topa Pathian in thupha namcin hong piatek tahen. Maisang zong hi bangma in ma ih pankhop toto ma hong kul lai tu hi.
Lungdamna lianpi taw,
SRBA ngambuppi luang in;
Rev. Langh Go Laang (Laangpu)
Secretary / Director
Evangelism & Missions Department
Siyin Region Baptist Association (SRBA)
0 comments:
Post a Comment