NEW SUANGPI

Elevation – 6836 ft

New Suangpi khua mun sia Mangkang hun lai in Bamboo camp ci in min na phuak ma sa hi. Banghang ziam ci le min neingawl mun khat hi a, tawlngakna mun khat hi. Tulai tak Valung khua zaanghiat hi.

New Suangpi khua mun ah Voklaak panin Pu Suan Cin 1950 a kipan na teang masa ahikom Suan Cin mualzongh kici hi. Nuntakna zonna in ansai vawtna mun ahi hi. Mihing a teang kibelap tato a, 1999 kum ciang kumpi sang pan hong dokna hang le khua min tu phua na vacin om ngawl lai a hina hangin kikupna a nei ciang Thaangkai Suangpi ngam a hina taw kizui in New Suangpi kici hi.

Pilna taw kisai Private in Primary sang a hanciam saan laitak hi. 2005 kumin SRBA, ZBC, MBC tungtawn pan Water Supply nga hi. Biakna taw kisai 1 Jan.1999 ni in Tuiphum Pawlpi kiphuan a, tua kum sung ma in SRBA sungah tumin kipawlna nei hi. Biakna dang zongh om hi.

siyinbaptist wordpress

Posted in: Tangthu ( Siyin )