by Taang Nang Lian Thang
USA pen tuni ciangciang leitungbup-ah a thunei pen gam khat mah-in ki
ciamteh lai hi. Leitungbup ong makaih zawhna dingin a gam mahmah zong
gallam thahatna, neihsalam thahatna, sum le pai-lam thahatna, pilna-lam
thahatna, gamvai-lam thahatna cih bangin namkim picinna a neih den
nading un a hanciam den gam khat hi.
Tua banga vaikim khempeuh-ah picinna a neih theih nading un a gam, a
mun, subject zui-in mipil misiam vaipuak nei ding koih timtem uh hi.
Ih kawlgam pen Asia/South East Asia sunga om gam khat ahih manin
Asia/South East Asia lam expert mipilte leh department/organization-te
in ong encik pah na hi hi.
Ih kawlgam pen Democracy gam a pian nading aa Thein Sein(USDP)kumpi
leh Aung San Suu Kyi (NLD)-te kihona a thukimpih US Government
(President Obama kumpipawl)-te in panpih mahmah hi. Obama in kiteelna-ah
a zawh nop lua’t manin foreign policy-ah Kawlgam pen genpi-in gen aa
nei hi. A tatak-in President Bush hun lai-a hong panpihna hanga galkap
kumpite a thanemgawp cih ding hi zaw hi. A thanem nading un economic
sanction khau tawh a ki hencip gawp ahi hi. Amau pen a thanem bek hi aa,
a si uh hi nai lo hi. 2008 Constitution pen galkap kumpi thahat nadinga
a kibawl thukhun hi. Thein Sein sanga power nei zaw National Security
Committee အမ်ိဳးသားကာကြယ္ေရးႏွင့္ လံုၿခံဳေရးေကာ္မီတီ (ကာ/လုံ) in ih
kawlgam a lencip lai ahi hi. Obama kumpi in Aung San Suu Kyi a pummuanna
tawh tua sanction khauteng nawh phelsak mahmah kha ahih manin, ong bang
ci pai tam ci-in American policy research bawlte a patau zong om veve
hi.
2008 thukhunpi tawh ki-ukna nuai-ah Mualmi khempeuh ih ut loh lam,
US-te’n hong tel semsem uh hi. 2015 kiteel hun ciangin, USDP hi ta leh,
Aung San Suu Kyii (NLD) hi ta leh, Land slide-in kuamah’n zo nawn lo
ding ahih manin, US kumpi in deih banga a pei theih ding Kawl kumpi pen,
kua hi zaw ding hiam cih lungmang veve uh hi.
Kawlgam tawh kisai US policy pen 100% a deih bang uh, piang sa nawn
lo uh hi. Mualmite’ ii thuneihna a thupi’t lam tel semsem uh hi.
Zomi(Chin) sungah zong pilvang tak-a ki thutuah mahmah ding kisam ta hi.
US policy maker-te tawh Chin State affairs vai, thu hoih tak ih sun
theih nadingin, Zomi/Chin gamvai a vei khempeuh khut kilen aa na ih
sepkhop theih ding kisam sa ing.
(Center for Strategic and International Studies – CSIS) pan in expert
Dr. Michael Green leh a lawmte kawlgam a paina Trip Report (ettheih
dingin upload sa-in koih khin ing) ahzong pawlkhat a sia/a pha etkaak
theih-in om hi.
Tua banah Georgetown Journal sunga Dr. Michael Green ii minute 5
interviews, kawllai tawh a suahsak uh simhuai sa-in kong suaksakkik hi. A
profile zong theih huai sa ka hih manin, kong suaksak sawn hi.
Kawlgam/Zogam vai a sem dingte in American policy expert-te tawh kizop
huai ka sa hi.
စစ္တပ္ကို မထိန္းခ်ဳပ္ႏိုင္ျခင္းသည္ သမၼတ ဦးသိန္းစိန္အတြက္ ပထမဆံုး စိန္ေခၚမႈျဖစ္……..
ျမန္မာႏုိင္ငံအေပၚ အေမရိကန္ ျပည္ေထာင္စု၏ ထိေတြ႔ဆက္ဆံေရး မူ၀ါဒေရးရာႏွင့္ ပတ္သက္၍ ေဒါက္တာ မုိက္ကယ္ ဂရင္းက တခုလံုးၿခံဳၾကည့္က ေအာင္ျမင္သည္ဟု မွတ္ခ်က္ေပးေသာ္လည္း မွားယြင္းမႈ ၃ ခု ရွိသည္ဟု ယူဆေၾကာင္း ေျပာသည္။
0 comments:
Post a Comment